توادعنا وتفارقنا بعد هذا تلاقينا…
في موعد غير موعدنا جمعنا كل أمانينا
وسولف قلبي لقلبي وعيني تلمحه وتصد…
وقال القلب يا عينه ترى النظرات تكفينا
تقرب جر خطواتك أبي أحكي لك وأسمع…
أبي أنظرك وأتقرب وتالي نشبك يدينا
وأقول الحب باغيابك تراه يزود ما ينقص…
وأقول الشوق في قلبي تراه يرد ماضينا
وأقول إني أنا مقدر على فرقاك وابعادك…
وقربك شي ما يوصف تراه القرب يحيينا
تكلم قول لا تسكت، أبي أسمع أنا صوتك…
عطش سمعي لجل يسمع طلبتك جود واروينا
وفجأة دون ما ينطق تبسم لي وأخذ يبعد…
أخذ قلبي وأنا واقف أناظر فكة يدينا
وياني نور صحاني أخذ حلمي من عيوني…
وقمت أقول لا تبعد تراه البعد ينهينا
لحقني البعد بأحلامي وفرحة حلم ما تمت…
لقيتك داخل أحلامي وفي الآخر تلاشينا
عرفت انك سراب تبين وانك مول ما تروي…
تلاشا الحلم وأصبحنا كأنّا ما تلاقينا
الفكرة لها صوت